Tổng Bí thư, Kruanh dak Tô Lâm lah kloh, trong nchrăp đảng viên wăng sa êng bah dih lah nău dơi geh bah du njăr trong rgâl mhe nău mĭn, n’glôch jêh ngăn ngăn n’hanh hun hao lý luận bah Đảng.

Yor kơt nê̆, ăp quy định mhe ân nđơn tay ăp nău way hôm rnoh khlay kơt ơm n’hanh nkra ăp nkô̆ nău mhe mpeh dŏng geh, leo ƀư njêng, kan nsum n’hanh dơn kan đảng viên tâm jâng wăng sa rƀŏng tât xã hội chủ nghĩa. Tổng Bí thư, Kruanh dak dăn đă, ăp quy định mhe ân kơl đảng viên đăp mpăn an lĕ n’hâm suan gĭt blău, tăch rgâl di pháp luật; kơl mpôl kan Đảng mât dơi ngăn ngăn; kơl an nuĭh ƀon lan, doanh nghiệp nsing nơm tâm nău tâm ban geh n’hanh kloh rvah bah nuĭh kan. Ăp quy định mhe ân nkre đah nău tĭng ƀư nău ntrŭnh 12 mpeh rdâk njêng Đảng tâm nkual wăng sa êng bah dih. Ân hun hao đảng viên bah doanh nhân ntoh lư, nkre uănh khlay công nhân kỹ thuật, kỹ sư, nuĭh khoa học n’hanh ăp nuĭh kan ntoh lư.