Lah rjăp Hiến chương Liên hợp quốc n’hanh luật pháp lam ntŭr neh lah jâng nsing rĭng grep lam ntŭr neh, ân dơi uănh khlay ăp tŏng, dơn ngoăy n’hanh mô khăch sơch, Tổng Bí thư, Kruanh dak an lah ăp dak ân uănh khlay đăp mpăn, ƀư tơm, lam lĕ rngôch neh dak n’hanh nău dơi sơch trong hun hao nsum; mô lăp rglah tâm nău kan êng, mô nde mô lah mô dŏng suan lơh rlơ̆ đah Hiến chương Liên hợp quốc. Tổng Bí thư, Kruanh dak nsing nơm đah du Liên hợp quốc nâp dăng, Việt Nam mbra ndrel rdâk njêng du lam ntŭr neh đăp mpăn, geh nău tâm ban, nkrum lam n’hanh uĕh lăng lơn an lĕ rngôch. Nsing tâm nô nău nê, Việt Nam way lah dak lăp kan nsum uĕh, đah nsing nơm n’hanh lah dak geh nău dơn kan, mbra rgop tâm ăp nău nsrôih nsum bah nsum mpôl lam ntŭr neh.