Wơt wa Troy Rohrbaugh, ndrel ƀư Tổng Giám đốc lam ntŭr neh Ngân hàng JPMorgan Chase, Tổng Bí thư, Kruanh dak Tô Lâm rnê âk ăp nău rgop bah ngân hàng tâm nău mbơh ntĭm, ntop kơl Chính phủ n'hanh doanh nghiệp Việt Nam wăch rgum tơm prăk dak bah dih. Tổng Bí thư, Kruanh dak dăn đă JPMorgan Chase ntop kơl tay Việt Nam gĭt tât geh nău tam ăp tơm prăk dak bah dih, tâm pă nău tă ơm gĭt kan mpeh hun hao ntŭk tăch rgâl prăk kaih, mât prăp nău lư n'hanh nchrăp prăk bah dih. Tât khâl wa Robert Thomson, Groi kruanh gưl têh Tập đoàn Visa, Tổng Bí thư, Kruanh dak Tô Lâm uănh lah prêh rlău 30 năm Visa hăn ndrel đah ntŭk tăch rgâl Việt Nam. Bar ding tâm ôp mpeh ntrŭt ntrôl tăch rgâl mrô, rgâl mbrô, hun hao wăng sa mrô n'hanh ntop kơl doanh nghiệp jê̆ n'hanh dah găp. Tổng Bí thư, Kruanh dak Tô Lâm ŭch rŏng ăp tập đoàn hăn ndrel tay, rgop wăch rgum tơm prăk uĕh nâp, ntrŭt ntrôl rgâl blău ƀư mhe n'hanh rgâl mrô ta Việt Nam.