Tổng Bí thư, Kruanh dak Tô Lâm mĭn lah Việt Nam uănh khlay mro tâm boh dăch dêh way ơm n’hanh kan ndrel têh hvi lĕ rngôch đah Nga, uănh Nga lah ngoăy tâm âk dak khlay bôk năp tâm nău kơl nchră nău bah dih bâh Việt Nam.

Việt Nam djôt dơn n’hanh ryơk nău kơl, kơl têh khlay, nău rŏng bah ƀon lan Liên Xô bah năp đaơ n’hanh nuĭh ƀon lan Nga nar lơ rgâl đah nău kan njrăng n’gang rklaih đăp mpăn rnoi nuĭh, kơp dơn neh dak, kơt ndâk njêng n’hanh mât njrăng neh dak. Tổng Bí thư, Kruanh dak lah rjăp tâm boh Việt Nam-Nga lĕ dơi ntŭl rlong tă bah năm khay n’hanh ăp nău rgâl bah lam ntŭr neh, jêng drăp ndơ khlay nsum bah 2 rnoi nuĭh. Việt Nam mpŏng 2 ding mât tay, mât na nao trong ueh lăng, nkre ntop  tay ăp trong kan ndrel mhe, tâm di đah nău ŭch hun hao tâm lvang aƀaơ hin.