Tổng Bí thư, Kruanh dak lah na nê̆, ăp ntŭk kan nội chính geh nău kan khlăy, dŭt khlay, lah mpôl kan tơm, kan jăp gay ma mât đăp mpăn ngih dak, mât đăp mpăn rnă njrăng, nău ueh lăng bâh ntŭk  rêh jêng, mât đăp mpăn ƀon lan, mât Đảng, ngih dak n’hanh nău kơl kan. Tâm ba năp nơh, ăp ntŭk kan Nội chính lĕ geh âk nău nsrôih, nău mĭhn kan, dơi geh âk nău geh dŭt khlăy, an tay âk nău kan ntoh lư. Lah na nê̆ mpeh nău kan khlăy tâm let năp tay, Tổng Bí thư, Kruanh dak đă ăp ntŭk kan nội chính an geh gĭt na nê̆ luật pháp, nău pah kan an kloh rjăp n’hanh ƀư tĭng nău dơi, nău kan bâh nơm, nchroh mbơh di đah nău kan, ngăch mbơh ôp an Đảng, Ngih dak ăp nău ntrŭnh, nău kơl, ntrong kan geh nău kan jŏ jong tâm nău mât đăp mpăn ngih dak, mât đăp mpăn rnă njrăng ngih dak, đăp mpăn lam ntŭk rêh jêng, rdâk njêng Đảng n’hanh trong kan chính trị kloh ueh, nâp nâl, kơl ueh ngăn an nău kan hun hao wăng sa, rêh jêng bâh ngih dak.