Tĭng nău mbơh bah N’gâng kan tâm rnglăp nchră nău Việt Nam, Tổng Bí thư, Kruanh dak Trung Quốc Tập Cận Bình mbra khâl gưl Ngih dak tât Việt Nam bah lơ 14-15/4/2025. Dơn nău jă bah Tổng Bí thư Ban Chấp hành Trung ương Đảng Cộng sản Việt Nam Tô Lâm, Kruanh dak Cộng hòa xã hội chủ nghĩa Việt Nam Lương Cường, Tổng Bí thư Ban Chấp hành Trung ương Đảng Cộng sản Trung Quốc, Kruanh dak Cộng hòa nhân dân Trung Hoa Tập Cận Bình mbra khâl gưl Nghih dak tât Việt Nam bah lơ 14-15/4/2025.

Đại sứ Việt Nam ta Trung Quốc Phạm Thanh Bình an gĭt: Tâm boh Việt Nam-Trung Quốc năm bah năp mât jâng hun hao dăng, dŭt n’hâm n’hanh geh âk nău uĕh kan ndrel ntoh lư ta lĕ rngôch ăp ntil nău. Rơh khâl lah dih an Kruanh gưl prêh 2 Đảng, 2 dak hăn jru tay tâm rgâl têh hvi, uănh lah mpeh tâm boh 2 Đảng, 2 dak, lơn lah săk rnglăy dơi geh tâm nău ƀư tĭng ăp tâm ton nsum gưl prêh, mĭn ăp trong, nău mkra têh ntrôl tâm boh 2 Đảng, 2 dak Việt Nam-Trung Quốc hun hao đăp mpăn, ngăn ngên n’hanh săk rnglăy lơn tâm năm tât.