Tổng Bí thư Nguyễn Phú Trọng tât râng n’hanh ntoh ngơi ta rơh lễ. Mbah ryơk pă an huy hiệu 60 năm Đảng n’hanh pă an kao si rhơn Tổng Bí thư ơm Nông Đức Mạnh, Tổng Bí thư Nguyễn Phú Trọng lah na nê̆, đồng chí Nông Đức Mạnh lah cán bộ nuĭh rnoi đê̆, deh n’hanh têh kuăng bâh nkual yôk mpeh ba lơ geh âk nău way rŏng dak, cách mạng, lĕ tă pah kan âk nău kan bâh ntŭk kan ba dâng tât Bí thư n’gor ủy, Kruanh Quốc hội khóa 9, khóa 10 n’hanh Tổng Bí thư Ban chấp hành Trung ương Đảng khóa 9 năm kan 2001-2006, khóa 10 năm kan 2006-2011.

Bol ma ta ăp nău pah kan, đồng chí Nông Đức Mạnh way geh kan jăp đah Đảng, đah ngih dak đah ƀon lan, nsrôih tĭng nău mpŏng, nău mĭn bâh Đảng, mô rlu kơt nti, tiăr nti, nsrôih ƀư lôch ăp nău kan geh pă an.