Kêng măng ntri (20/9), ta Nhih pah kan Trung ương Đảng, Tổng Bí thư Nguyễn Phú Trọng hŏ wơt dêh bên Đại sứ Đặc mệnh toàn quyền dak Cộng hòa Dân chủ Nhân dân Lào ta Việt Nam Sẻng-phết Hùng-bun-nhuông tât ntĭnh sĭt dŭt jêh năm pah kan.

 Ta rơh wơt, Đại sứ Sẻng-phết Hùng-bun-nhuông mpơl nău rhơn mpeh tâm boh tâm rnglăp mha êng Lào-Việt Nam nar lơn ma hun hao jru hvi, nsĭt tay nău geh ngăn ngăn an ƀon lan ăp dak, lah rjăp nău khlay bah tâm boh mha êng Lào-Việt Nam n’hanh lah rjăp bol ta ah ntŭk gŭ kan mbra ƀư tay lĕ n’hâm suan he nơm bun dăp an tâm boh tâm rnglăp mha êng Lào-Việt Nam nđĭr uĕh mbro mbrăng nâp dăng. Tổng Bí thư Nguyễn Phú Trọng mbah rhơn êng đại sứ nơm ƀư lôch jêh uĕh nău kan n’hanh ăp nău dơi khlay ma Lào dơi geh tâm bah ri aơ, lah rjăp Việt Nam way ŭch tĭng rơh rgâl mhe bah Lào, nkre nsing nơm, ta nâm nău rđău kan bah Đảng ƀon lan Cách mạng Lào, ƀon lan Lào geh tay âk nău dơi mhe, têh kuâng lơn đŏng tâm nău an ƀư Nghị quyết Đại hội XI bah Đảng ƀon lan Cách mạng Lào.