Kêng măng ntri (16/10) ta Nhih pah kan Trung ương Đảng, Tổng Bí thư Nguyễn Phú Trọng hŏ geh rơh wơt dêh bên Kruanh Đu-ma Quốc gia (Hạ viện) Nga V. Volodin dôl khâl ngăn Việt Nam.

Ta rơh wơt, Tổng Bí thư Nguyễn Phú Trọng lah rjăp, Việt Nam way ŭanh khlay nău tĭng kơl khlay, du nuih  n’hâm bah ƀon lan Liên Xô n’hanh ƀon lan Nga hŏ rong an Việt Nam tâm ăp năm khay tâm lơh tâm su krit nji tâm ban kơt rơh rdâk njêng n’hanh mât njrăng neh dak jêh aơ nơh, lah rjăp nău uănh khlay tâm đah tâm boh tâm rnglăp way ơm, Tâm boh têh jong lam lĕ rngôch đah Nga. Đảng Cộng sản Việt Nam uănh khlay nău hun hao tâm boh đah ăp chính đảng ta Nga. Tổng Bí thư Nguyễn Phú Trọng lah kloh du đêt trong rƀŏng têh gay ntrôl dăng tay tâm boh Việt Nam - Liên bang Nga tâm let năp tay. Kruanh Đu-ma Quốc gia Nga lah rjăp Liên bang Nga way uănh Việt Nam lah băl tâm boh an ƀư lor, tâm boh tâm trong kan dak bah dih bah he ta nkual châu Á - Thái Bình Dương.