Ôi ntri (18/10), ta Nhih pah kan Trung ương Đảng, Tổng Bí thư Nguyễn Phú Trọng hŏ wơt wa Prak Sokhonn, Ủy viên Ban Thường vụ, Kruanh Ban Đối ngoại Trung ương Đảng ƀon lan Campuchia (CPP), Nuĭh tă ơm gĭt kơl kan bah Kađăch Campuchia Norodom Sihamoni. Ta rơh wơt, Tổng Bí thư Nguyễn Phú Trọng lah rjăp Việt Nam way ŭch tĭng rơh rdâk njêng n’hanh hun hao neh dak Campuchia n’hanh nsing nơm Campuchia mbra geh tay âk nău dơi mhe, têh kuâng, lam lĕ rngôch lơn đŏng tâm nău tĭng ƀư Cương lĩnh bah Đảng CPP lvang năm 2023-2028 n’hanh trong kan têh jong bah Chính phủ khóa VII n’gluh.

Tổng Bí thư dăn đă bar ding an ƀư geh nău tam nkô̆ rơh mâp đah kruanh rđău kan gưl têh bar đảng n’hanh rơh mâp pe ding nuĭh mât  bôk kan pe đảng Việt Nam-Campuchia-Lào; rgâl mhe tay trong tâm boh đah bar đảng gay tŏng đah nău ŭch geh bah nô nău mhe. Tĭng nê, uănh khlay  tay  tâm boh chính trị lah n’gâng tơm rƀŏng nkrum lam an tâm boh bar dak; rdâk tay n’gâng tơm tâm boh njrăng n’gang neh dak, rnă njrăng; n’hao dăng tâm boh tâm pah kan tâm boh dak bah dih; njêng jâng đăt ndal, n’hao nău dơi tam tâm boh wăng sa,  văn hoá, ntĭm nti,  khoa học-kỹ thuật n’hanh ntrŭt ntrôl tâm nđŭr  ƀon lan./.