Ôi 24/2, ta Ngih Trung ương Đảng, Tổng Bí thư Tô Lâm ƀư tơm rơh rƀŭn Ban Bí thư an rgop nău mpeh mbơh du đêt nu nău ntoh lư mbơh ƀư tĭng Ntĭm đă 55 bah Ban Bí thư mpeh nău ƀư tết Bính Ngọ 2026. Tĭng samƀŭt mbơh ta rơh rƀŭn, ƀư tĭng ntĭm đă 55 bah Ban Bí thư, Bộ Chính trị, Ban Bí thư, Chính phủ nchrăp lor ntĭm rđău ơm nău ƀư Tết Bính Ngọ năm 2026 n’hanh ƀa ƀơ ntĭm rđău, ntrŭt đă nău ƀư tĭng.

N’glôn jêh rơh rƀŭn, Tổng Bí thư Tô Lâm rnê rhơn nuih n’hâm lĕ đah nău kan bah ăp gưl ủy, rmôt kan Đảng, n’gâng kan ƀon lan, Mặt trận Tổ quốc, rmôt vũ trang bah rmôt cán bộ, công chức, viên chức, nuĭh pah kan lĕ ƀư tĭng rjăp ntĭm rđău bah Ban Bí thư, đăp mpăn an nuĭh ƀon lan wơt Tết răm m’ak, hơm răm, tâm rnglăp, rnă njrăng, đăp mpăn, geh mông nar uĕh lăp năm mhe. Yơn lah, nău kan bah năp dŭt jâk, Tổng Bí thư đă lĕ trong chính trị an ntơm lăp tâm nău kan. Êng tâm 3 khay năm aơ, Tổng Bí thư đă, an jêh nău mât uănh n’hanh mbơh ƀư ndâk njêng, ntop tay bôk nău kan ƀư tĭng Nghị quyết Đại hội 14 tâm lam Đảng; ƀư lôch uĕh rơh săch đại biểu Quốc hội khóa 16, Hội đồng nhân dân ăp gưl năm kan 2026-2031 tâm lơ 15/3 tât.