Kêng măng 4/3, Tổng Bí thư Tô Lâm ƀư tơm rơh rƀŭn tal 2 bah Ban Ntĭm rđău Trung ương mpeh hun hao khoa học công nghệ, mĭn ƀư mhe n’hanh rgâl mrô. Tổng Bí thư rnê ăp săk rnglăy uĕh jêh rơh rƀŭn bôk năp, lơn lah nău an Nghị quyết 193 đah 12 trong rlong ƀư gay ƀư tĭng ngăn Nghị quyết 57 bah Bộ Chính trị. Tổng bí thư lah rjăp rgâl mrô tâm ăp ngih pah kan Đảng lĕ geh njoat hăn di, nsĭt tay âk nău uĕh an nuĭh ƀon lan n’hanh doanh nghiệp, nău khlay gay ndâk njêng Trung tâm dữ liệu ngih dak.

Yơn lah, Tổng Bí thư ntĭm kloh ăp nău an rgum mkra; nkre, an dôh rklaih jêr jŏt mpeh trong ƀư, nău kơl n’hanh đăp mpăn tơm prăk gay ƀư tĭng săk rnglăy. Tổng Bí thư đă tâm pă đêt ngăn 3% tơm prăk năm 2025 an hun hao khoa học công nghệ, n’hao hao 2% GDP tâm 5 năm bah năp tay. Ăp N’gâng kan nău kan, n’gor rgum ndâk njêng jêh ntung trong mrô, n’gâng tơm mrô, lơn lah Trung tâm dữ liệu ngih dak mpeh doanh nghiệp, mpeh neh ntu; An janh dăng săch ndơ̆ ăp ndơ, ăp trong mkra kơt dŏng khoa học công nghệ, rgâl mĭn ƀư mhe, rgâl mrô ngăch hăn lăp ngăn ngên.