Kêng măng ntri (7/2) ta Nhih pah kan Trung ương Đảng, ƀư tâm nchră jao nău kan Chánh văn phòng Trung ương Đảng.

Ntơh măt Bộ Chính trị, Ban Bí thư an kao si rhơn Chánh văn phòng Trung ương mhe Lê Hoài Trung, Tổng Bí thư Tô Lâm lah kloh, âk trong nchrăp khlay bah Đảng ntoh bah nău nsŏng kơl bah Văn phòng Trung ương Đảng, lơn lah tâm rnôk aƀaơ lam trong kan chính trị dôl an ƀư lĕ nuih  n’hâm nău n’glôch jêh bah Trung ương mpeh tĭng ƀư Nghị quyết 18 mpeh glêh tam nuĭh kan chính trị geh nău dơi, nău tam, nău yach ngăch kan, nchrăp ƀư Đại hội Đảng bộ ăp gưl hăn tât Đại hội Đảng lam dak tâl 14, rơh hao ngăch đăt ndal bah jâng wăng sa, jêng nău dơn kan bah  Văn phòng Trung ương Đảng lah dŭt n’hâm khlay. Lah ta rnôk dơn nău kan, wa Lê Hoài Trung ton mbra nsrôih kơt nti n’hanh gŭ mĭn ăp nkô̆ nău mhe, n’hao nău blău kan, nsrôih tâm pah kan, ndrel kruanh rđău kan Văn phòng mât nău tâm rnglăp, dơn ngoăy, ntik n’hao nău way ơm “Du nuih n’hâm djăt tĭng, tâm rnglăp, blău ƀư mhe, lĕ nuih n’hâm, ăp dăp, mât nău way pah kan”, nđơn tay ăp nău dơi n’hanh nău geh ma ăp rơh kơn kruanh rđău kan bôk năp hŏ rdâk njêng.