Nthoi tay ăp nău kan tâm rnôk hăn pah kan ta Hà Giang, kêng  măng 5/2, Tổng Bí thư Tô Lâm n’hanh mpôl pah kan hŏ tât khâl rgŏ jă ƀon  lan ăp rnoi nuĭh ta nkuâl Quản Bạ n’hanh kơl an  ndơ ăp rnăk dơi kơl ta nkuâl.

Tổng Bí thư Tô Lâm mpư rnê, nchih nkah nău rgop bah ƀon lan ăp rnoi nuĭh nkuâl Quản Bạ tâm nău  dơi nsum bah n’gor, bah neh dak. Tổng Bí thư rƀŏng trong an gưl ủy, n’gâng kan, ƀon lan ăp rnoi mpôl đê̆ ta nkuâl Quản Bạ, ntik n’hao tay nău way ơm tâm rnglăp n’hanh geh  ăp nău dơi ân nkra bah ăp jêr jŏt, mpăng đêt, ndrel nsum suan, du nuih n’hâm mbrôn suan tâm rlong geh nău dơi tĭng ƀư ăp nău dơn kan hun hao wăng sa – rêh jêng kon nuĭh, đăp mpăn njrăng n’gang neh dak- rnă njrăng, di đah ntŭk gŭ mpêr n’har, nking njrăng ta n’har bri mpeh bah lơ neh dak. Quản Bạ lah nkuâl mpông rlong bah 4 nkuâl yôk prêh, n’har bri mpeh bah lơ bah n’gor Hà Giang, gŭ tâm nkual Công viên địa chất lam ntŭr neh UNESCO dor yôk lŭ Đồng Văn.  

Măng ndrel nar, Tổng Bí thư Tô Lâm tât râng n’hanh ngêt trà ndrel âk mpưm kônh wa ƀon lan ăp rnoi nuĭh ta nkuâl n’hanh kơl an 30 nklâm ndơ an ăp rnăk dơi kơl, rnăk nuĭh geh âk nău nsrôih nsan hao tâm nău rêh n’hanh uănh saơ lễ hội nsăt ŭnh bah ƀon lan ăp rnoi nuĭh Pà Thẻn, n’gor Hà Giang./.