Kêng măng 18/2, Tổng Bí thư Tô Lâm lĕ wơt wa Trần Cương, Chủ nhiệm Ủy ban thường vụ Đại hội đại biểu nhân dân Khu tự trị rnoi nuĭh Choang Quảng Tây, Trung Quốc. Tổng Bí thư Tô Lâm mbah rhơn ăp nău geh têh, lĕ rngôch Trung Quốc dơi geh bah jêh Đại hội 20 tât aƀaơ; mĭn lah Việt Nam uănh khlay hun hao tâm boh đah Trung Quốc lah nău đă di, săch trong têh hvi, an lor bôk năp tâm nău kơl tâm rnglăp bah dih đăp mpăn, ndâk ƀư êng, rgop âk trong, âk ntil bah Việt Nam.

Lah rjăp Quảng Tây lah ntŭk krêp dêh jru hvi đah Việt Nam, Tổng Bí thư uănh lah prêh nău ƀư tơm, hăn lor bah Quảng Tây ntrôl tâm boh dăch dêh, kan ndrel ngăn ngên đah Việt Nam. Mpeh kan ndrel năm tât, Tổng Bí thư đă Quảng Tây n’hanh ăp n’gor Việt Nam tĭng nău wât nsum gưl prêh, n’hao tâm nđŭr dăch dêh, tâm wât ndrel; mbơh ƀư săk rnglăy kan ndrel geh nsum tâm âk ntil nău, ngăn lah mpeh wăng sa-tăch rgâl, ntung trong, khoa học công nghệ, rgâl mĭn ƀư mhe, nău mĭn njêng bôk rngok (AI)...