Lah n’gor nkual yôk prêh, n’har bri geh âk ntŭk dŭt khlăy mpeh mât rnă njrăng ngih dak, rnă njrăng đăp mpăn n’hanh tâm nchră đah dak bah dih, tâm nău kan hôm nha geh âk nău jêr jot yơn Hà Giang lĕ geh ăp njoat hun hao dŭt lĕ rngôch tâm ăp nău wăng sa- rêh jêng, mât đăp mpăn rnă njrăng ngih dak, rnă njrăng đăp mpăn, nsrôih an rgâl mhe nău rêh bâh ăp ƀon lan ăp mpôl rnoi ta nkual njônh nkual ngai nkual jêr jŏt. Ta rơh pah kan, Tổng Bí thư Tô Lâm nchong na nê̆ ăp nău dơi ơm geh ta ntŭk, đă, tâm let năp tay ta ntuk an geh rgum hun hao wăng sa- rêh jêng, n’hao lĕ ăp nău dơi, mbluh aih ăp rnoh kan, ndơ̆ Hà Giang hun hao lĕ rngôch nsrôih geh dŭt đ4ê̆ an tâm ban đah nău geh nsum bâh lam dak. Hà Giang nsrôih âk, nsrôih têh, geh nău kan ueh, nău kan mhe, rgâl mhe săk nơm, nănh min nănh kan, nănh rgâl mhe, rgâl mhe têh dăng nău leo kan hành chính n’hanh ntuk tăch rgâl, leo kan joi trong mô dơn kâp knơm ta nău kơol an bâh Trung ương.Ta năp nĕ, Tổng Bí thư Tô Lâm ndrel đah mpôl pah kan lĕ an kao si kahgĭt Kruanh Hồ Chí Minh ta rup ndah Wa Hồ tâm ntŭk kan n’gor Ủy Hà Giang.