Ôi 3/2, Văn phòng Trung ương Đảng hŏ ƀư mâp măt "Rhơn Đảng-Rhơn năm mhe", rhơn Tết cán bộ, công chức, nuĭh kan Văn phòng Trung ương Đảng. Ntơh măt Bộ Chính trị, Ban Bí thư, Tổng Bí thư Tô Lâm rnê âk ăp nău dơi ma cán bộ, công chức viên chức nuĭh kan Văn phòng Trung ương Đảng hŏ dơi geh tâm pah kan nsŏng kơl, rhŏ an pah kan rđău đă bah Trung ương Đảng, Bộ Chính trị, Ban Bí thư.

Tổng Bí thư an gĭt, tâm nar pah kan bôk năp bah năm mhe Ất Tỵ, Văn phòng Trung ương Đảng dăp rgum tay, đah nău dơn kan nău dơi kan mhe. Mpeh nău dơn kan tâm let năp tay, gay tŏng đah nău ŭch geh rđău đă bah Đảng n’hanh ngih dak, Tổng Bí thư Tô Lâm dăn đă, Văn phòng Trung ương Đảng ƀư jăp tay nău kan bah he, ntik n’hao nău way ơm tâm rnglăp, nsrôih tât ăp rnoh hŏ ndơ̆ luh đah săk tam lơn rlău năm 2024, wat jêh ngăch prăl nău dơn kan Ban Chấp hành Trung ương Đảng, Bộ Chính trị, Ban Bí thư nsing nơm jao an.