Di nkah bôk năm mhe Ất Tỵ 2025, ôi 5/2, Tổng Bí thư Tô Lâm ndrel rmôt kan bah Trung ương hŏ tât mpok kthup nkah ăp Kđăch Hùng tâm ntŭk nkah ơm neh dak khlay Đền Hùng (nkuăl ƀon têh Việt Trì, n’gor Phú Thọ). Tâm nau ƀư rjăp, tâm Điện Kính Thiên, tâm yôk Nghĩa Lĩnh, Tổng Bí thư Tô Lâm ndrel ăp ntoh măt hŏ mpoh kthup, ntoh nuih n’hâm nkah tât n’hâm soan yau ye, ntoh nau vay ‘Ngêt dak nkah gĭt tu” bah rnoi mpôl Việt Nam; ŭch yau ye kơl an mih lăng prăng ueh; ƀon lan geh nau rêh ueh lăng đăp mpăn, neh dak nâp nâl, sâm geh, têh dăng.

Bah năp huêng khlay bah yau ye, rmôt kan ntoh nau ŭch nthoi tay nuih n’hâm Brah yang, mô rlu ntĭm nti, n’hao nau blau, nau kan, gay ƀư ăp nau kan ma Đảng, Ngih dak ndrel ƀon lan jao ân, tâm rnglăp rđau đă ƀư dơi nau ntrŭnh Đại hội XIII bah Đảng; rđau dơi đại hội đảng bộ ăp gưl, rƀŏng tât Đại hội lam dak tal XIV bah Đảng, ndâk neh dak hun hao, nau rêh đăp mpăn,  nau ƀư tơm neh dak mât nâp, chính ueh nâp dăng, ơm dơi dăp rgum ntrong kan gleh, pah kan tam, njêng dơi nau leo neh dak lăp tâm rach năm mhe, rach năm n’hao săk bah rnoi mpôl Việt Nam./.