Kêng măng 25/3, Rnâng kan Ban Ntĭm rđău Trung ương mpeh njrăng n’gang sa khâm, sa ƀer mpŭng lir rƀŭn uănh lah săk rnglăy ƀư tĭng ăp N’glôn jêh bah đồng chí Tổng Bí thư Tô Lâm bah jêh rơh rƀŭn 27 bah Ban ntĭm rđău tât aƀaơ (dŭt khay 12 năm e). Tổng Bí thư Tô Lâm đă, Đảng ủy Chính phủ ntĭm rđău ndăn jêh uănh nđôi lĕ rngôch drăp ndơ nsum bah ăp ngih pah kan, ntŭk kan, ƀon lan ta lam dak gay geh trong mât uănh, tâm pă, dŏng jêh dăp tay, dơh ngăch n’gâng kan ƀĭt joet n’hanh ntŭk kan hành chính ăp gưl, đăp mpăn săk rnglăy, mô an roh rui, mpŭng lir.

Lôch jêh rmal dâl tâm năm 2025 đah ăp ntŭk neh jay nsum mô dŏng, dŏng mô săk rnglăy. Nuih n’hâm an rgâl na nê̆ lơn tâm trong kan njrăng n’gang mpŭng lir, ngăn lah rgum mkra lôch ăp ndơ ƀư, nău nchrăp ƀư mbrơi, rgop rgŏ jă, dŏng geh săk rnglăy ăp tơm prăk rhŏ an nău rƀŏng hao jêng wăng sa rlău 8% tâm năm 2025 n’hanh 2 rnoh mrô tâm ăp năm bah năp tay. Tổng Bí thư Tô Lâm đă đŏng, ƀư n’glôch jêh trong kan njrăng n’gang sa khâm sa ƀer, mpŭng lir bah Năm kan Đại hội 13. Ta năp măt, tâm năm 2025 an rgâl tŏng ăp nău ntrŭnh, nău kơl bah Đảng mpeh njrăng n’gang sa khâm, sa ƀer, mpŭng lir lĕ dơi nkoch ta Đại hội 13.