Ôi 18/6, ta Nkual ƀon têh Hồ Chí Minh, Tổng Bí thư Tô Lâm ƀư tơm rơh pah kan đah Ban Thường vụ Thành uỷ Nkual ƀon têh Hồ Chí Minh, tỉnh uỷ Bà Rịa Vũng Tàu n’hanh tỉnh uỷ Bình Dương mpeh lôch jêh tĭng ƀư du đêt nău dơn kan hun hao wăng sa rêh jêng kon nuĭh, pah kan rdâk njêng Đảng 6 khay aơ n’hanh nău tĭng ƀư ăp Nghị quyết, N’glôch jêh bah Trung ương ta 3 n’gor nkual ƀon têh.

Lah ta rơh pah kan, Tổng Bí thư Tô Lâm lah rjăp aơ lah rnôk gay ăp n’gor ndrel ra uănh tay săk blău pah kan rđău đă, nchŏng leo n’hanh rƀŏng an hun hao Nkual ƀon têh Hồ Chí Minh mhe tâm let năp tay. Tổng Bí thư đăm tay bar nău dơn kan jăch ndăn aƀaơ lah mât nâp đăp mpăn neh dak, n’gor, đăp mpăn bah tâm lơh tâm su, rĭng grep gay hun hao. Nkre, Tổng Bí thư njrăng đă rgum  tơm ndơ gay hun hao wăng sa, wat jêh ăp rnoh tât kan Đại hội XIII bah Đảng, ăp nghị quyết geh tât n’hanh nchrăp an Đại hội XIV bơi tât. Tổng Bí thư rnê âk nuĭh n’hâm nsrôih bah Nkual ƀon têh Hồ Chí Minh n’hanh ăp n’gor rnôk ndơ̆ rnoh tât  hun hao âk rlău rĭng geh nsum bah lam dak, nkre đă nkual ƀon têh nsrôih tĭng ƀư tât ngăn dja tâm 6 khay kêng dŭt năm gay n’hao nău rêh nuĭh ƀon lan.