Kêng măng 29/10, Tổng Bí thư Tô Lâm lĕ tât khâl n’hanh ƀĭt joet rơh pah kan đah Ban Tuyên giáo Trung ương mpeh nu nău ƀư tĭng nău kan pah kan tuyên giáo khay bah năp n’hanh ăp trong rƀŏng, nău kan khlay tâm khay tât. Tĭng nkô̆ nău ăp nău rgop tâm nchră tŏng ăp dŭt n’hâm, lĕ đah nău kan bah ăp đại biểu râng nar pah kan, ntoh ngơi n’glôn jêh, Tổng Bí thư Tô Lâm mbah rhơn ăp nău nsrôih, ăp săk rnglăy ntoh lư bah Ban Tuyên giáo Trung ương, nău kan Tuyên giáo bah bôk năm kan Đại hội 13 tât aƀaơ.

Mpeh nău kan tâm khay tât, Tổng Bí thư Tô Lâm đă, Ban Tuyên giáo trung ương, nău kan Tuyên giáo an rgum ƀư tĭng uĕh lơn trong kan tâm ôp tâm nchră ndâk njêng Đảng mpeh chính trị, nău mĭn, nău rêh, mĭn aơ lah nău kan khlay, ƀa ƀơ. Rgâl mhe tay, n’hao uĕh, săk rnglăy trong kan tâm ôp tâm nchră, uănh khlay ăp nău têh, geh trong n’gâng tơm, lĕ rngôch, jŏ jong, nâp nâl tâm nău tuyên giáo. Tâm ôp tâm nchră ntĭm rđău nchrŏng trong ƀư uĕh ăp nar nkah gĭt, nău khlay bah neh dak. Mbơh, tâm nchră sŏk nău rgop bah cán bộ, đảng viên n’hanh Nuĭh ƀon lan lăp văn kiện đại hội.