Nkah ndray 95 năm Nar njêng Đảng Cộng sản Việt Nam, măng 3/2, ta Jay mprơ Hồ Gươm ƀư bôk nău kan njroh mprơ mha êng “95 năm mpoh ang nău nsing nơm”. Tổng Bí thư Tô Lâm ndrel âk kruanh rđău kan Đảng, Ngih dak râng. 95 năm aơ, bah ŭnh sol leo trong bah Đảng n’hanh Wa Hồ têh kuâng, rnoi nuĭh Việt Nam nâp jâng chuat rlău ăp jêr jŏt, njêng geh ăp nău dơi têh. Tâm săk ntơr năm mhe bêng ler suan rêh, nuih n’hâm lơn  ma rhơn nđơr đah nău nsing nơm ăp tŏng an Đảng rlai ndrel đah nău nđơr mpeh nău rêh chrat ang bah neh dak let năp tay.

Ta bôk nău kan ăp đại biểu hŏ djăt uănh ăp nău njroh mprơ, mprơ rnê Đảng Cộng sản Việt Nam aih rsang, Kruanh Hồ Chí Minh têh kuâng, mprơ rnê ƀon tơm, neh dak kơt: “Đất nước” (thơ Tạ Hữu Yên, nhạc Phạm Minh Tuấn); “Dáng đứng Việt Nam” (thơ Lê Anh Xuân, nhạc Nguyễn Chí Vũ); “Giai điệu Tổ quốc” (Trần Tiến); “Đảng đã cho ta cả một mùa xuân” (Phạm Tuyên); “Ca ngợi Hồ Chủ tịch” (Văn Cao); “Người là niềm tin tất thắng” (Chu Minh). Đah nău âk mbâl 95 năm rđău đă bah Đảng, he geh nău dơi n’hao êng săk, nsing nơm nâp tay tâm nău rđău kan bah Đảng gay nâp jâng chuat lăp tâm rơh hun hao mhe bah rnoi nuĭh.