Ôi 5/2, Tổng Bí thư Tô Lâm hŏ râng Lễ rgŏ jă Tết tăm si “Mbro mbrăng nkah gĭt Wa Hồ” – Năm mhe Ất Tỵ năm 2025 ta thị xã Mỹ Hào, n’gor Hưng Yên. Ta Lễ rgŏ jă, kruanh rđău kan n’gor Hưng Yên an gĭt, ntơm bah năm 2022 tât aƀaơ, lam n’gor hŏ tăm geh rlău 126 rbăn tơm si.

Tâm nê năm 2024, lam n’gor Hưng Yên hŏ tăm geh rlău 38.400 tơm, hŏ jêng 185 njăr trong geh tơm si mhe; ăp nkual đô thị, ăp nkual, rkŭm công nghiệp, nkual ƀon lan gŭ, nhih nti, nhih dak si, nhih pah kan, ntŭk têl ơm yău - văn hóa nsrôih tĭng ƀư jăp nău tăm tơm si đŏng. Lĕ rngôch prăk dŏng tăm si tât aƀaơ lah 92,6 rmen prăk. Let năp tay, n’gor Hưng Yên nsrôih tăm nkrum n’hâm ta ăp njăr trong hăn n’hanh đăp mpăn tât di rnoh rdâk njêng ƀon lan mhe ntop n’hao tay đah gưl xã, gưl nkuâl n’hanh gưl n’gor, nkre mât chăm tay ăp ntil tơm tăm hŏ tăm njêng nđĭr uĕh - srăch - kloh; n’hao dăng hăn kơp uănh, ntĭm nti, ntrŭt ntrôl ăp n’gor; ăp nhih pah kan, doanh nghiệp tĭng ƀư jăp pah kan tăm tơm si tĭng trong nchrăp ndơ̆ luh./.