Ôi ntri (27/10) ta Hà Nội, Tổng Bí thư Tô Lâm tât râng n’hanh geh nău rđău đă ta rơh nkah ndray 75 Nar way ơm Ban Đối ngoại Trung ương (1/11/1949-1/11/2024). Lah ta rơh rđău đă nkah ndray, Tổng Bí thư Tô Lâm mpư rnê n’hanh mbah rhơn ăp nău dơi ma ăp rơh kơn kruanh rđău kan, công chức, viên chức n’hanh nuĭh kan Ban Đối ngoại Trung ương hŏ nsrôih geh dơi tâm 75 năm aơ.

Nkre lah rjăp, lam ntŭr neh dôl tâm rơh rgâl trong jong, rnă njrăng dak bah dih nar lơn ma duh jêr. Tổng Bí thư nkah 5 nkô̆ nău gay Ban Đối ngoại Trung ương rgum an ƀư tâm let năp tay, tâm nê ân ƀư jăp pah kan nsŏng kơl tor gĭt lor trong tâm boh dak bah dih bah Đảng tâm rơh mhe, rgop tĭng ƀư geh nău dơi ăp rnoh tât kan 100 năm ta nâm nău rđău kan bah Đảng, 100 năm njêng dak Việt Nam dân chủ cộng hoà, aƀaơ lah dak Cộng hoà xã hội chủ nghĩa Việt Nam.