Kŏ tâm kêng măng 7/2, râng rơh rƀŭn jao nau kan bah tơm Uỷ ban mêt uănh Trung ương, Tổng Bí thư Tô Lâm đă: ân geh ndŏ nau tơm nau kan mêt uănh tâm rnôk aơ tât nau kan mêt uănh, jrăng rdâng, ntĭm trong ƀư; n’hao nau kan mât nau dơi gay “mô ân mhal âk cán bộ mơ geh nau dơi’. Tổng Bí thư lah kloh: Tâm rơh rƀŭn Trung ương tâm lơ 23/1 mhe rlau, Rnâng kan rđau kan Trung ương tâm ban nau ntop pă wa Nguyễn Duy Ngọc ƀư Uỷ viên Bộ Chính trị, Kruanh Uỷ ban mêt uănh Trung ương gay dŏng mông ân đồng chí Trần Cẩm Tú rgum ƀư nau kan Rnâng kan Ban Bí thư.

Đah wa Nguyễn Duy Ngọc, Tổng Bí thư Tô Lâm lah rjăp lah cán bộ geh nau dơi, geh ntĭm nti nâp, geh nchiăr, ntul rlong tâm nau ngăn tă bah tâm dâng tât cán bộ rđau kan N’gâng kan Công an, geh Đảng, Ngih dak jao du đê̆ nau kan tơm. Tâm rnôk kan, đồng chí mro ƀư ueh nau kan geh jao. Tổng Bí thư ŭch ndrel rnơm tâm đồng chí Nguyễn Duy Ngọc mô nsrŭng n’hao nuih n’hâm, nau kan, nau nâp chính trị, ndrel rmôt cán bộ, nŭih kan bah Uỷ ban mêt uănh Trung ương ƀư jêh nau kan geh jao./.