Nthoi tay ăp nău kan tâm rnôk hăn khâl gưl ngih dak tât Indonesia n’hanh khâl ngăn Ban Thư ký ASEAN, ôi ntri (10/3) Tổng Bí thư Tô Lâm tât râng n’hanh geh nău lah ta rnôk tâm dâl nău doanh nghiệp gưl têh nkhêp geh nkah ndray 70 năm tâm boh Việt Nam-Indonesia đah nkô̆ "Việt Nam n’hanh Indonesia: Tâm boh yor an ma nău rgâl mhe n’hanh têh ndrŏng”.

Lah ta rnôk tâm dâl nău, Tổng Bí thư Tô Lâm rnê âk ăp nău kan tâm boh ntuh kơl, tăch rgâl nsĭt geh đah Việt Nam n’hanh Indonesia tâm bah ri aơ nơh n’hanh ŭch geh nău nsing nơm tay, ndrel hăn, ntop kơl bah Chính phủ, ăp nhih pah kan, mpôl doanh nghiệp Indonesia tâm let năp tay. Tổng Bí thư dăn đă, ăp nuĭh ntuh kơl bar dak mbra dơi gŭ mĭn, pơk hvi ntuh kơl tâm  ăp n’gâng kan, trong kan khoa học công nghệ, rgâl mhe, gŭ mĭn n’hanh hun hao, hun hao n’gâng kan công nghiệp chip bán dẫn, trí tuệ nhân tạo (AI), internet vạn vật (IOT); ŭnh nar mhe (kơt hydrogen), ŭnh nar sĭt jêng tay; prăk kaih, ntŭk rgum tơm prăk; công nghệ sinh học, dak si…Việt Nam nar lơn ma năl di tay nău khlay tâm n’guăk rnoh khlay ntuh kơl mhe bah lam ntŭr neh, lơn lah tâm ăp trong kan điện tử, khoa học, công nghệ, rgâl blău njêng mhe, chip bán dẫn, wăng sa mbrô, wăng sa kloh uĕh.