Kêng măng 31/10, ta Hà Nội, Giáo sư, Tiến sĩ Tô Lâm, Tổng Bí thư Rnâng kan rđau kan Trung ương Đảng Cộng sản Việt Nam hŏ tât râng ndrel geh nar tâm nchră mpeh nkô̆ nau “Rach năm mhe, rach năm hao jêng bah rnoi mpôl” đah âk mpưm ăp nŭih dôl nti tâm jrâu ntĭm nti, gĭt nau mhe đah ăp nŭih cán bộ rgum Uỷ viên Trung ương Đảng gưl 14 (Jrâu tal 13). Nkoch bri đêp rmên đah ăp nŭih, rach năm hao jêng bah rnoi mpôl; nau dơi gay ma nchrăp nkô̆ nau leo neh dak choat tâm rach năm kan mhe, rach năm hao mhe bah rnoi mpôl;

Tĭng nê, rach năm lah du rơh geh dơi ăp nau mhe yor ăp nau geh tât khlay mô lah du nau kan khlay geh nau ueh đŏng tât nau hun hao bah nau rêh, văn hoá, chính trị, nau geh êng. Tổng Bí thư Tô Lâm lah rjăp, rnôk geh ntơm rach năm mhe lah ntơm Đại hội XIV bah Đảng, tă bah aơ, ăp nŭih ƀon lan Việt Nam, ma rhiăng rkeh nŭih kơt lah ngoai, đah nau rđau kan bah Đảng, nkre tâm ban nuih n’hâm, ndăn rnôk tât ueh, nơih, ntrŭt jăng lơi nau khuch, nau ntul rlong, leo neh dak hun hao ăp ntil, dăng rjăp, geh nau mhe ndrel ntô̆ n’hao prêh./.