Lơ 24/10, ta ntŭk kan Trung ương Đảng, Tổng Bí thư, Bí thư Quân uỷ Trung ương Tô Lâm hŏ vơt Thượng tướng Trương Hựu Hiệp-Groi Kruanh Quân uỷ Trung ương Trung Quốc. Rđau kan bar ding ndrel ntoh nau rhơn bah năp ăp nhoat hun hao ueh, rlet hao bah nau tâm boh bar Đảng, bar dak jêh rnôk n’hao nau tâm boh nsum tâm nkoch mbơh nau mhe geh nau khlay, tâm boh neh dak bar ding geh n’hao dăng, nar lơn nâp, săk tam.

Tổng Bí thư Tô Lâm lah rjăp, Đảng, Ngih dak, tahen ndrel ƀon lan Việt Nam mro ryơk ndrel nkah nau kơl an bah Đảng, Ngih dak, tahen ndrel ƀon lan Trung Quốc tâm nau kan cách mạng, lơh nsĭt geh nau dơi rklaih rnoi mpôl bah năp nơh kŏ kơt lah tâm nau n’hao tâm boh, tâm rgop nkân ndrel rklaih ueh nau tâm rkeh, mât đăp mpăn tâm dak lêng, rklaih nau ê tâm ban đah nau đăp mpăn, tâm di ma nau geh gĭt nsum gưl prêh ndrel luật pháp lam ntur neh./.