Kêng măng 19/02, Tổng Bí thư Tô Lâm hŏ wơt Bộ trưởng Ngoại giao Cu-ba Bruno Rodríguez Parrilla. Tổng Bí thư lah rjăp Đảng, Ngih dak n’hanh ƀon lan Việt Nam way nchih nkah nău tâm rnglăp n’hanh nău kơl lĕ nuih n’hâm, di ngăn ma Cu-ba hŏ rong an Việt Nam; mpơl nău nsing nơm neh dak Cu-ba oh nô, ta nâm nău rđău kan chrat ang bah Đảng Cộng sản Cu-ba, nâp tay jâng chuat rlău tay ăp jêr jŏt, ntul rlong, geh ăp nău dơi mhe tâm rơh rdâk njêng n’hanh mât njrăng neh dak.

Tổng Bí thư Tô Lâm lah rjăp, đah Việt Nam, tâm rnglăp, n’grŏ tĭng n’hanh tâm boh đah Cu-ba lah nău dơn kan n’hanh nău tâm di; dăn đă bar ding kan nsum an ƀư geh nău tam ăp trong tâm boh ƀư njêng ndơ sa, ŭnh nar; tâm ôp pơk hvi tâm boh tâm ăp trong kan săk geh kơt công nghệ sinh học, dak si, rhŏ dŏng; an ƀư tay geh nău tam ăp trong n’glăp n’hanh nău tâm ton tâm boh đah Đảng, bar dak.