Kêng măng 28/10, ta Nhih pah kan Trung ương Đảng, Tổng Bí thư Tô Lâm hŏ wơt Mpôl gưl têh Đảng Cộng sản Pháp tă bah Bí thư lam  dak Fabien Roussel leo hăn. Tổng Bí thư Tô Lâm rhơn rnê Mpôl gưl têh Đảng Cộng sản Pháp khâl Việt Nam, rgop n’hao nsing nơm chính trị, êt lhăt lơn đŏng tâm boh tâm rnglăp, way ơm mha êng ăp năm rlău aơ đah bar Đảng, yor ma nău geh bah ƀon lan bar dak, rgop an đăp mpăn, rgâl mhe n’hanh hun hao tâm nkual n’hanh lam ntŭr neh.

Tổng Bí thư Tô Lâm rnê âk nău nsrôih bah Đảng Cộng sản Pháp gay n’hao têh ntŭk gŭ kan, nău khlay kan bah Đảng, rgop tâm nău rlăch ndăng an đăp mpăn, geh nău tâm ban n’hanh rgâl mhe nău rêh ta Pháp, Châu Âu n’hanh lam ntŭr neh. Tổng Bí thư mbơh lam mpeh ăp nău dơi ma Việt Nam hŏ dơi geh tâm bơi 40 năm rgâl mhe ta nâm nău rđău kan bah Đảng Cộng sản Việt Nam. Tổng Bí thư Tô Lâm dăn đă bar Đảng n’hao dăng tay tâm ăp trong kan tâm boh dôl geh aƀaơ, tâm nê geh trong ƀư tâm nchră lý luận gay tâm nkoch gĭt ăp nkô̆ nău lý luận n’hanh nău tă ơm gĭt ngăn ngăn kơl  n’hao nău dơi kan bah bar đảng ta bar dak.