Kêng măng ntri (26/3) ta Nhih pah kan Trung ương Đảng, Tổng Bí thư Tô Lâm hŏ wơt Thủ tướng dak Cộng hòa Singapore Lawrence Wong khâl ngăn Việt Nam. Tổng Bí thư Tô Lâm lah rjăp Việt Nam uănh Singapore mô dơn lah ndrel nsum du jay nsum ASEAN, ma hôm lah du băl tâm boh n’gâng tơm, ndrel hăn tâm rnôk hun hao n’hanh lăp rgum dak bah dih bah Việt Nam.

Mpư n’hao ăp nkô̆ khlay ma bar ding hŏ dơi geh ta ăp rơh tâm nchră đah ăp kruanh Singapore tâm rnôk hăn khâl ngăn Singapore tâm ban kơt nău bar ding ký ton tay âk nău tâm boh mhe lôch bar pơh hăn khâl, Tổng Bí thư dăn đă bar ding ơm ƀư jêng ngăn ngăn tâm boh têh jong lam lĕ rngôch đah bar dak ma nău ký ton bôk nău kan tâm boh têh jong lam lĕ rngôch lvang năm 2025- 2030. Bar kruanh rđău kan tâm ban ŭch ƀư jru hvi lơn đŏng tâm boh đah bar đảng mât bôk, mât mbro tâm boh ntĭm nti cán bộ têh, gŭ mĭn njêng trong way  tâm ôp mbro gay n’hao nău tâm gĭt wât nsum, tâm pă nău tă ơm gĭt hun hao neh dak, njêng jâng nsing khlay tâm boh bar ding let năp tay.