Măng 25/2, ta Nhih pah kan Trung ương Đảng, Tổng Bí thư Tô Lâm hŏ wơt Thủ tướng Malaysia Anwar Ibrahim nkhêp geh Thủ tướng râng rgum nchră nău rêh let năp tay ASEAN tâl 2 ta Hà Nội (ntơm bah nar 25-26/02/2025).

Tâm ôp mpeh trong rƀŏng tâm boh têh tâm  let năp tay, bar ding tâm ban ŭch n’hao âk tơ̆ tâm mâp gưl têh n’hanh ăp gưl; an ƀư geh nău tam ăp trong n’glăp tâm boh bar ding n’hanh hăn tât njêng ăp trong n’glăp mhe, tâm di đah nău ŭch geh tâm boh đah bar dak; mât dŏng geh nău tam tâm boh tâm ăp trong tâm boh săk geh khlay êng ƀa ƀă, lơn lah tâm njrăng n’gang neh dak- rnă njrăng, tăch rgâl- ntuh kơl, nuĭh kan, ntĭm nti, văn hóa, pâl nđaih n’hanh tâm nđŭr ƀon lan. Thủ tướng Anwar Ibrahim tâm an ŭch kan nsum lhăt gay rgâl mhe tâm boh wăng sa, tăch rgâl n’hanh ntuh kơl đah bar dak; ŭch nău dăn đă bah Việt Nam tâm boh, gay rƀah gĭt n’hanh ndăn dŏng trong rƀŏng mhe gay n’hao dăng tâm boh ta ăp trong kan khlay êng ƀa ƀă kơt văn hóa, ntĭm nti, pâl nđaih./.