Nar 24/10, Ntŭk nglăp tăch n’gluh, N’gâng kan Công thương tâm rgop đah UBND n’gor Gia Lai ƀư Rƀŭn nchră mbơh ƀư ăp trong mkra hun hao rhŏ an logistics ta n’gor. Đah nău geh ơm n’hanh ntŭk ntô geh ơm, Gia Lai lĕ jêng n’hanh hun hao âk ntŭk nkra njêng tuch tăm lŏ mir rgum. Âk ndơ lŏ mir tơm geh rnoh khlay wăng sa âk lĕ tăch n’gluh tât 40 dak, nkual neh. Aƀaơ n’gor geh 3 nkual công nghiệp, n’hanh dăp rgum 23 rkum công nghiệp.

Tu tơm ndơ lŏ mir ta ntŭk âk, đăp mpăn kơt: Cà phê, cao su, tao, bum, chè, play... nta an hun hao công nghiệp nkret njêng. Ta rƀŭn nchră, ntoh măt ăp ntŭk kan mpeh tâm N’gâng kan Công thương, hiệp hội ndoh ndơ n’hanh ăp nuĭh ntuh kơl, doanh nghiệp lĕ nkoch âk nău rgop gay hun hao rhŏ an logistics ta Gia Lai. Ăp đại biểu an lah ân n’hao lơn tay wât mpeh logistics, nău ƀư tơm rhŏ an logistics đah hun hao wăng sa-rêh jêng, nchrŏng trong nkra njêng tăch rgâl hăn ndrel đah hun hao trong logistics n’hanh kan ndrel đah ăp doanh nghiệp tâm, bah dih n’gor.