Kruanh dak Võ Văn Thưởng mhe ký Ntrŭnh uănh an Hiệp định tâm kơl tư pháp mpeh hình sự đah dak Cộng hòa xã hội chủ nghĩa Việt Nam n’hanh dak Cộng hòa Czech. Việt Nam n’hanh Séc ndâk njêng tâm boh tâm rnglăp geh rlău 70 năm. Nău tâm boh kan ndrel đah 2 dak hun hao nar lơ têh dăng, lĕ rngôch.

Aƀaơ, nsum mpôl nuĭh Việt Nam ta Séc dơi kơp dơn lah rnoi mpôl đêt tal 14 bah Séc. Gay tâm di ăp nău đă mhe bah n’hêl na nê̆, nău uănh an Hiệp định êng mpeh tâm kơl tư pháp hình sự rgâl ăp nău ntrŭnh mpeh tâm kơl tư pháp hình sự tâm Hiệp định năm 1982 lah dŭt khlay, rgop jêh rpăi pháp lý mpeh tâm kơl tư pháp đah 2 dak. Nău uănh an Hiệp định tâm di đah trong hăn tâm boh bah dih, nsrôih rgum lăp lam ntŭr neh lĕ rngôch n’hanh jru hvi bah Đảng n’hanh Ngih dak he đah nău ƀư dak geh nău kan tâm nsum mpôl lam ntŭr neh, lah nău na nê̆ ăp tâm ton lam ntŭr neh bah Việt Nam tâm nău tư pháp hình sự, kan ndrel njrăng n’gang nuĭh tih.