Ta năp nu nău trôk nar tăch proăt, UBND n’gor Dak Lak mhe an Ntĭm đă ăp n’gâng kan, ban, nău kan n’hanh ƀon lan nchrăp lor njrăng n’gang phŭt sial, dak lip, mih têh, pĭch rlâm neh, dak bŭk ăp khay dŭt năm; nkre nchrăp trong rdâng duh phang, mô tŏng dak, lăp dak chiăt bôh n’hanh ŭnh sa bri yan wai 2026-2027.

N’gor đă rgâl dăng bah rdâng ndrăt ndal an nchrăp lor njrăng n’gang, ƀư tĭng ueh trong “4 ta ntŭk”, kơp uănh tay ăp nkual geh dak rchoh, băm jru, rnoh rnăk an trơn, ntŭk dêr ndê n’hanh rmôt kan, ndeh rklư dơi rgŏ jă. Kruanh UBND n’gor Đỗ Hữu Huy lah rjăp: Trong ƀư năm aơ lah njrăng khlay, nchrăp lor bah ơm bah ngai, mô kâp geh dak băm mô lah mih mbơh ƀư. Lơn lah an kơp uănh dâl ăp ntŭk lĕ hăn uănh geh pĭch rlâm, dak băm, uănh ôp mkra dâl ăp ntŭk klach geh tât nău rêh nuĭh ƀon lan.