UBND n’gor Gia Lai mhe mbơh an HĐND n’gor khóa 12 mpeh nău dăp tay ăp ngih pah kan way kan mpeh tâm UBND n’gor, tĭng trong jăng lơi 5 n’gâng kan gưl n’gor n’hanh ndâk njêng 2 n’gâng kan mhe. Tĭng nĕ, n’gor Gia Lai dăn đă jăng lơi 5 n’gâng kan gưl n’gor geh: N’gâng kan ntung trong, N’gâng kan kế hoạch n’hanh Đầu tư, N’gâng kan Thông tin n’hanh Truyền thông, N’gâng kan Lao động-Thương binh n’hanh Xã hội, N’gâng kan Ngoại vụ.

Nkre ndâk njêng mhe 2 n’gâng kan lah: N’gâng kan Dân tộc n’hanh Tôn giáo; N’gâng kan Tuch tăm mât rong n’hanh Môi trường. Dă đă aơ tĭng Nghị quyết mrô 18-NQ/TW bah Bộ Chính trị, gay n’hŭch nkĭng nkăng gưl kan, n’hao săk rnglăy pah kan hành chính n’hanh ntêm nkrem prăk. UBND n’gor Gia Lai mĭn lah nău dăp mbra dơi ƀư rjăp, đăp mpăn nău geh bah cán bộ, công chức n’hanh mô tăch proăt nău kan mât uănh, ƀĭt joet.