Nău kan ƀư trong loih Lào Cai- Hà Nội- Hải Phòng geh ntŭk tât lah ntŭk tâm nglăp đah trong ndeh trong let n’har bri đah Lào Cai n’hanh ntŭk trong hăn ndeh treng Hà Khẩu Bắc dak Trung Quốc, ntŭk tât nglâ̆ dŭt ta nkual bến Lạch Huyện, Hải Phòng. Geh rnoh jong trong hăn tơm lah 391km n’hanh 3 trong mbah geh 28km. Trong hăn rlău 9 n’gor, nkuăl ƀon têh geh: Lào Cai, yên Bái, Phú Thọ, Vĩnh Phúc, Hà Nội, Bắc Ninh, Hưng yên, Hải Dương n’hanh Hải Phòng. Lĕ rnoh ntuh kơl ƀư klâp ma 203.230 rmen prăk, đah trong kan ntuh kơl nsum. Nsrôih tât năm 2030 ƀư lôch nău kan. Ta rơh rƀŭn nchră, Kruanh Quốc hội Trần Thanh Mẫn ŭch đah nău ntrŭnh ntuh ƀư trong loih Lào Cai- Hà Nội- Hải Phòng. Kruanh Quốc hội nkah đă an rgum ƀư kloh trong kan njêng ƀư, nău têh n’hanh trong ntuh kơl. Đă an geh uănh na nê̆, săch trong kan tâm di gay ma mât đăp mpăn tâm rgop bâh nău kan đah trong loih ngih dak, trong loih nkuăl ƀon têh, trong hăn êng, bah ir geh hăn rlet ta nkual ƀon lan gŭ.