Lŏ rơh rƀŭn tal 27, ôi 12/10, Uỷ ban Rnâng kan Quốc hội ntơm uănh nkô̆ nau ‘Ndâk ƀư nau kan, pháp luật mpeh nau hun hao ŭnh nar lvang năm 2016-2021”. Rơh rlau aơ, rmôt kan mêt uănh bah Uỷ ban Rnâng kan Quốc hội mpeh “ƀư nau ntrŭnh, pháp luật mpeh hun hao ŭnh nar lvang năm 2016-2021” hŏ pah kan, uănh nau ngăn tâm ăp n’gor Quảng Nam, Quảng Ngãi, Sơn La, Gia Lai, Bạc Liêu, Bà Rịa-Vũng Tàu, Cà Mau ndrel nkuăl ƀon têh Hồ Chí Minh.  

Pah kan đah Chính phủ, ăp n’gâng kan, ntŭk kan, rmôt kan geh tât, ƀư du đê̆ nau tâm nchră kơl an ân nkô̆ nau mêt uănh, ngăn lah nau tâm nchră rgop nau ân ăp nŭih mpeh nau mbơh nau tă geh mêt uănh. Nkô̆ nau uănh gay nchră ân tŏng, geh dơi, ăp ntil nau ƀư nau ntrŭnh, pháp luật mpeh nau hun hao ŭnh nar tâm rơh rlau aơ. Bah nê, uănh năl ăp nau kan tơm, jŏ jong gay ma ƀư ân ngăn ndrel ntrŭnh ƀư ueh ăp nau mĭn, nau ntrŭnh bah Đảng mpeh nau hun hao ŭnh nar./.