Nthoi tay rơh hop tâl 27, ôi ntri (13/10), Ủy ban Thường vụ Quốc hội djăt siƀŭt mbơh rblang bah Chính phủ mpeh lôch jêh tĭng ƀư, jêr jŏt kŏ kol tâm trong an ƀư 03 bôk nău kan gưl neh dak tâm lvang năm 2021-2023 n’hanh dăn đă trong nkra, trong kơl mha êng droh rklaih jêr jŏt, kŏ kol, ntrôl ngăch tĭng ƀư ăp bôk nău kan tâm let năp tay.

Bộ trưởng Bộ Kế hoạch n’hanh Đầu tư Nguyễn Chí Dũng an gĭt, jêr jŏt tâm rnôk an tĭng ƀư lah tă bah mbrơi ƀư lôch jêh trong mât kan, leo tĭng ƀư ăp bôk nău kan gưl neh dak bah trung ương tât tâm n’gor, khuch têh tât nău an ƀư ăp rêng kan ntơm bah tâm pă, leo tĭng ƀư n’hanh n’gluh tơm prăk bôk nău kan ta ăp bộ, nhih pah kan trung ương n’hanh n’gor. Ta rơh hop, Groi Thủ tướng Chính phủ Trần Lưu Quang dơn ngăn đŏng nău an tĭng ƀư 3 bôk nău kan gưl neh dak mbrơi. Groi Thủ tướng an gĭt Chính phủ dăn đă đah Quốc hội ndơ̆ tơm prăk bah năm 2023 an năm 2024 n’hanh dăn đă ăp n’gor ân n’gluh lĕ tơm prăk năm 2023.