Tổng Bí thư Nguyễn Phú Trọng lah na nê̆ trong tâm nchră kan năp kơi dơn ngoăy bâh Việt Nam lah đăp mpăn, mât kan êng, tâm rnglăp, tâm kơl n’hanh hun hao, âk ding, pah kan tâm boh kan nchră nău đah dak bah dih.

Tổng Bí thư Nguyễn Phú Trọng n’hanh Tổng thống Biden tâm ban ŭch an lah nău ngăn lĕ an saơ ăp nău khlăy bôk năp đah nău hun hao bâh Việt Nam- Hoa Kỳ lah nău tâm ryơk tŏng ăp nău way tơm khlay mpŏng tât nău tâm boh kan ueh an bar dak. Tổng Bí thư lah na nê̆ nău tâm gĭt vât ndrel, nău kan êng bâh ăp dak, tam ryơk ăp nău dơi geh nsum bâh ăp ding n’hanh mô tât râng ta nău kan êng dak nĕ, an way geh nău tâm ryơk khlăy. Tổng Bí thư rnê âk ăp nkô̆ nău geh tâm ton đah nuĭh leo kan 2 dak mpeh nău mbơh nsum mpeh n’hao nău khlăy tâm boh kan Việt Nam- Hoa Kỳ hao trong kan lĕ rngôch yor nău đăp mpăn, tâm kơl n’hanh hun hao nâp nâl. Tĭng nĕ, Tổng Bí thư Nguyễn Phú Trọng lah na nê̆ du đê̆ trong kan têh gay ma ntrôl tâm boh kan Việt Nam - Hoa Kỳ. Tâm nĕ geh nău n’hao tâm gĭt vât ndrel, ƀư tĭng ăp nău mpŏng kan, njêng nău đăp mpăn jŏ jong, tâm mâp, tâm kơl gâl têh, đah ăp n’gâng kan, ăp gâl kan, tâm nđur ƀon lan.