Tâm rnôk hăn khâl ngăn Trung Quốc, kêng măng 13/9, Bộ trưởng Bộ Công an Tô Lâm n’hanh Bộ trưởng Bộ Công an Trung Quốc Vương Tiểu Hồng ndrel ƀư tơm Tâm nchră gưl Bộ trưởng mpeh njrăng n’gang nuĭh tih tâl 8. Bar ding tâm ban ŭch an lah, tâm rlău bar năm aơ, Bộ Công an bar dak hŏ nsrôih kan nsum geh nău tam tâm pah kan njrăng, n’gang rlăch ndăng đah ăp ntil nău tih, rgop mât đăp mpăn rnă njrăng chính trị, đăp mpăn lam rêh jêng kon nuĭh ta ăp dak.

Mpeh  tâm boh let năp tay, Bộ Công an bar dak lah rjăp nău kan tâm boh kan nsum tay mât đăp mpăn rnă njrăng, mât njrăng  ăp nar kan chính trị khlay ƀư ta ăp dak, ƀư jăp pah kan mât njrăng ƀon lan; kan nsum tay rlăch ndăng geh nău tam đah ăp ntil nuĭh tih rloh rlău neh dak tâm ban kơt nuĭh tih nhŭp kân, ma túy, wăng sa, tăch rvăt nuĭh, nuĭh tih mplư rlăm ma trong mạng viễn thông, mạng internet. Kêng măng ndrel nar, Bộ trưởng Bộ Công an Tô Lâm hŏ tât ôp khâl dơm wa Thái Kỳ - Chủ nhiệm Văn phòng Trung ương Đảng Cộng sản Trung Quốc. Ta rơh wơt wa Thái Kỳ rnê âk nău hun hao tâm boh đah bar Đảng, bar dak ta lĕ rngôch ăp trong kan kalơ nuih n’hâm tâm boh têh jong lam lĕ rngôch./.