Ta Nkual ƀon têh Hồ Chí Minh, Liên hiệp ăp rmôt kan ndrel dăch dêh nkual ƀon têh Hồ Chí Minh ƀư nkah gĭt 127 năm Nar Đăp mpăn bah Cộng hòa Philippines (1898-2025) n’hah 10 năm ndâk njêng tâm boh kan ndrel têh Việt Nam-Philippines (2015-2025). Ntoh ngơi ta nar ƀư, PGS.TS Phan Thị Hồng Xuân, Kruanh Hội Hữu nghị Việt Nam-Đông Nam Á nkual ƀon têh Hồ Chí Minh lah rjăp nău tâm boh ăp ding nar lơ hun hao lĕ rngôch n’hanh ngăn ngên bah rnôk 2 dak n’hao tâm boh kan ndrel têh.

Năm 2023, geh prăk tăch rgâl 2 trong geh rlău 7,8 rmen đôlar, hao bơi 70% nkôp đah rnôk năm 2015. Việt Nam mât tay ƀư tơm lah nuĭh pă phe têh ngăn an Philippines, rgop đăp mpăn rnă njrăng ndơ sông sa nkual. Wa Phan Thị Hồ Xuân an gĭt, kan ndrel mât njrăng bri dak-rnă njrăng đah 2 dak nar lơ dơi nâp nâl đah nău ƀư uănh nđôi nsum ta dak lêng, ndrel đah ăp bôk nău tâm nđŭr nuĭh ƀon lan, ntĭm nti n’hanh văn hóa nar lơ pơk hvi.