Kêng măng nđaơ (10/10), ta nkual ƀon têh Buôn Ma Thuột, Ngih pah kan Đài TNVN nkual Tây Nguyên ƀư rƀŭn nchră uănh lah 30 năm ndâk njêng n’hanh hun hao. Rlău 30 năm ndâk njêng n’hanh hun hao, bah 4 nuĭh bôk năp, aƀaơ lĕ đăp mpăn ta rnoh âk 60 nuĭh, geh 8 rnoi nuĭh, lah ngih pah kan gŭ ta ntŭk têh ngăn bah Đài TNVN. Rĭng ăp năm, Ngih pah kan Đài TNVN nkual Tây Nguyên nkra njêng rlău 2.00 tác phẩm báo chí.

Ăp bôk nău ntuh 6 ntil nău ngơi rnoi mpôl đêt geh: Êđê, Jarai, Bahnar, Xơ Đăng, K’Ho n’hanh Bunong geh âk nău rgâl mhe geh nău dăch dêh đah kônh wa đah dĭng lĕ rnoh mông pơk ăp nar lah 17 mông 30 mnĭt (bah 5h00’ tât 10mông 20 mnĭt măng). Ntoh ngơi ta Rƀŭn nchră, Ủy viên Trung ương Đảng, Tổng giám đốc Đài TNVN Đỗ Tiến Sỹ mĭn lah, năm tât mbra tâm rgop rjăp lơn tay đah ăp n’gor Tây Nguyên tâm trong kan nu nău mhe, nkoch mbơh.

Đài TNVN mbra ntuh kơl geh trong an rmôt Ngih pah kan gŭ tâm dak lah nsum, Ngih pah kan gŭ ta Tây Nguyên lah êng mpeh n’ăp nuĭh kan, ngih wâl, kỹ thuật tĭng trong truyền thông âk ntil trong nkoch. Tă bah nĕ, n’hao săk rnglăy lam sŏng ntuh ngơi an ăp nkual jru ngai, nkual dŭt jêr jŏt.