Kêng măng nđaơ, N’gor ủy Lâm Đồng ƀư rgum nchră mbơh nău ntrŭnh mpeh trong kan cán bộ. Rơh aơ, geh 8 cán bộ dơi tâm pleh, săch tay, ntĭm mât ăp gưl nău kan tơm bah n’gor, tâm nĕ geh 3 N’gor ủy viên. Ban Thường vụ N’gor ủy Lâm Đồng ntrŭnh đă wa Đinh Văn Tuấn, rlu ƀư Bí thư Nkuăl ủy Di Linh gay dơn nău kan Groi Kruanh UBND n’gor Lâm Đồng năm kan 2021-2026. Nkre, đă wa Trần Hồng Quyết mât ƀư Giám đốc N’gâng kan Nội Vụ, ntĭm râng Ban Chấp hành đảng bộ nkuăl Di Linh, mât ƀư Bí thư Nkuăl ủy Di Linh năm kan 2020-2025.

Ban Thường vụ N’gor ủy Lâm Đồng đă wa Phạm Thị Hồng Hải, Giám đốc N’gâng kan ntĭm nti tât Ban Tuyên giáo n’hanh Dân Vận n’gor ủy mât ƀư Goi Trưởng ban. Đă ƀư, săch wa Vương Tôn Kiên mât ƀư Groi Chínhh văn phòng N’gor ủy; wa Nguyễn Văn Hữu ƀư Groi Bí thư Nkuăl ủy Đơn Dương... Ntoh ngơi ntĭm rđău ta rgum nchră, wa Nguyễn Thái Học, Dơi ƀư Bí thư N’gor ủy Lâm Đồng mĭn lah, nău đă, săch tay aơ ntoh bah bah nău đă nău kan bah ăp ntŭk, n’gâng kan nău kan, nău blău bah cán bộ n’hanh geh nău dăp nuĭh kan n’gor ủy gay rhŏ an Đại hội Đảng bộ n’gor rơh tal 12, ƀư tĭng di trong săch di nuĭh n’hanh jao di nău kan.