Ôi 1/10, ta Hà Nội, ƀư Đại hội Công đoàn viên chức Việt Nam rơh tal 6, năm kan 2023-2028. Râng Đại hội geh 300 đại biểu ntoh măt an nău mĭn, nău ŭch bah bơi 85 rbăn đoàn viên, cán bộ, công chức, viên chức, nuĭh pah kan mpeh tâm Công đoàn viên chức Việt Nam. Năm kan 2018-2023, ăp gưl Công đoàn Viên chức Viên Nam mbơh ƀư ăp nău kan đah 3 nău khlay, geh âk trong mkra rgâl mhe trong pah kan, trong ƀư mhe gay tâm di nău ŭch bah nău ngăn, tâm di trong hun hao nsum.

Đại hội lĕ săch Ban chấp hành Công đoàn viên chức Việt Nam khóa 6 năm 2023-2028 geh 35 đồng chí. Wa Ngọ Duy Hiểu, Groi Kruanh Tổng liên đoàn Lao động Việt Nam dơi nsing nơm, săch tay Kruanh Công đoàn viên chức Việt Nam khóa 6. Năm kan 2023-2028, Công đoàn viên chức Việt Nam mĭn lah 3 nău rgâl mhe geh: Ndâk njêng rmôt cán bộ công đoàn ăp gưl; tâm rgop ndrel kruanh ngih pah kan, ntŭk kan, doanh nghiệp n’hao uĕh nuĭh kan; ntrôl dăng rgâl mrô tâm nău kan ngih pah kan, ntŭk kan, uănh khlay rgâl mrô tâm nău kan công đoàn.