Tâm trôm ăp nău kan tâm boh dak bah dih năm 2025, kêng măng (17/02), ta Hà Nội, Học viện Chính trị quốc gia Hồ Chí Minh ƀư rơh wơt n’hanh pah kan đah Đại sứ Cu- ba ta Việt Nam.

 Ta rơh wơt n’hanh pah kan đah Đại sứ Cu- ba ta Việt Nam- Wa  Rogelio Polanco Fuentes, Giám đốc Học viện Chính trị quốc gia Hồ Chí Minh Nguyễn Xuân Thắng lah rjăp Học viện way uănh khlay n’hanh ŭch rŏng ntrŭt ntrôl lơn đŏng tâm boh đah ăp băl tâm boh Cuba, rgop rdâk nâp tay tâm boh, tâm rnglăp way ơm đah bar dak. Bar ding tâm ôp mpeh ăp nkô̆ tâm boh đah Học viện Chính trị quốc gia Hồ Chí Minh n’hanh ăp băl tâm boh Cuba tâm bah ri aơ nơh kơt: n’hao dăng pah kan ntĭm nti, kơi năp nti tay cán bộ, lơn lah cán bộ kruanh mât bôk kan têh jong; tâm boh gŭ mĭn lý luận n’hanh ăp nkô̆ nău ngăn ngăn bar ding ndrel uănh khlay; tâm nkoch nău tă ơm gĭt kan mpeh pah kan mât njrăng jâng nsing nău mĭn bah Đảng n’hanh Pah kan Nhih nti chính trị.