Nar 11/10, wa Phan Đình Trạc – Ủy viên Bộ Chính trị, Kruanh Ban Nội chính Trung ương n’hanh Mpôl đại biểu Quốc hội n’gor Lâm Đồng hŏ mâp cử tri ta Nhih nti Đại học Đà Lạt. Ta rơh mâp, ăp giảng viên, sinh viên bah Nhih nti Đại học Đà Lạt hŏ dăn đă âk nkô̆ geh tât ntĭm nti, trong kơl prăk khay, rnoh ntop kơl, giảng viên, nta joi nău kan an sinh viên lôch nti, siƀŭt trok ndơ̆ prăk ăp ntil ndơ gŭ mĭn khoa học... hôm mâp âk kŏ kol n’hanh khoah.

Tâm nê, dŭt khlay lah nău sinh viên, nghiên cứu sinh uănh khlay tât n’gâng kan khoa học tơm dôl hŭch âk. Ntơh măt Mpôl Đại biểu Quốc hội Lâm Đồng, wa Phan Đình Trạc nchih nkah ăp nău dăn đă bah cử tri, nkre an gĭt mbra nkoch tât Quốc hội tâm  rơh hop tâl 6 bơi tât. Nkhêp geh rnôk dja , Mpôl Đại biểu Quốc hội Lâm Đồng hŏ pă an 20 nklâm học bổng rnoh khlay 10 rkeh prăk an sinh viên nhih nti Đại học Đà Lạt geh nău rêh dŭt jêr jŏt mha êng yơn hŏ nsrôih geh nău dơi âk tâm kơt nti./.