VOV4.M'nông: Ôi lơ 5/5, rơh rƀŭn tal 9, Quốc hội nchrăp mra lôch tâm lơ 30/6. Aơ lah rơh rƀŭn jŏ ngăn kơp ntơm rnôk bôk gưl kan 15 tât rnôk aơ, ntrŭnh âk nau kan khlay, geh nau ueh. Tâm rơh rƀŭn tal 9, Quốc hội mra uănh, ntrŭnh nau rgâl mhe, ntop tay du đê̆ điều bah Hiến pháp năm 2013; uănh, nchră luh 34 luật ndrel 11 nau ntrŭnh.

VOV4.M'Nông: Kêng măng lơ 4/5, ta ntŭk kan Trung ương Đảng, Tổng Bí thư Tô Lâm vơt Tổng thống Sri Lanka Anura Kumara, rđau kan Đảng Mặt trận Giải phóng nhân dân Sri Lanka (KVP), di rnôk khâl gưl Ngih dak tât Việt Nam ndrel Râng Đại lễ Phật đản Liên hợp quốc (Visak).

VOV.M’nông - Hun hao nuĭh kan dơi Dak Lak mĭn lah ngoăy tâm 3 rgâl hao têh, mât ƀư tơm khlay tâm rnôk hun hao wăng sa-rêh jêng. Ăp năm bah năp, n’gor lĕ dŭt n’hâm na nê̆ rgâl ăp nău ntrŭnbh bah Đảng n’hanh Ngih dak gay ƀư tĭng nkô̆ nău aơ. Yơn lah, tât aƀaơ, săk rnglăy dơi geh mô hŏ dơi kơt mpŏng ŭch, nău aơ n’gluh an âk nău an dơi uănh tât, dôh rklaih.

VOV.M'NÔNG- Lễ Nkah ndray 50 năm Nar Rklaih luh miền Nam, dơn ngoăy neh dak tâm nar 30/4 ta Nkual ƀon têh Hồ Chí Minh. Rơh lễ nkah ndray têh khlay n’hanh mprang uĕh, đah nău tât râng bah rmưn rbăn nuĭh ƀon lan n’hanh năch dak bah dih.

VOV.M'NÔNG- 50 năm dơn ngoăy neh dak nuĭh ƀon lan Tây Nguyên dôl mât ndray, ntik n’hao ăp săk tơm văn hóa gay geh nău rêh uĕh lăng lơn

VOV.M’nông - Đah kônh wa rnoi mpôl đêt Tây Nguyên, nău manh prăk gay nkra njêng n’hanh mô mplơ̆ prăk manh, lah nău mpet jâk, tă ƀư âk rnăk rdâng ât ach o. Ndrĭ yơn, bah rnôk Ngân hàng chính sách xã hội ndâk njêng geh ăp jrô kan ta ăp ntŭk gưl nkuăl, tĭng xă n’hanh âk thôn geh rmôt manh prăk... ri manh prăk chính xã prăk kon đêt lĕ jêng bên, mât uĕh săk rnglăy têh tâm nău jut ji ngot ach o. Âk rnăk knơm geh prăk aơ lĕ geh wăng sa nâp.

VOV4.Mnông: Tâm mông narr răm m’ak rhơn nkah gĭt 50 năm rklaih đăp mpăn lĕ rngôch miền Nam kơp dơn neh dak, kônh wa ăp rnoi nuĭh ta Tây Nguyên lơ ntô̆ n’hao mpeh ăp nău geh tâm hun hao wăng sa-rêh jêng n’hanh n’hao nău rêh nuĭh ƀon lan.

VOV4.Mnông:Kahgĭt 50 năm nar rklaih đăp mpăn miền Nam, dơn ngoăy neh dak, ôi lơ 30/4, nkuăl ƀon têh Hồ Chí Minh tâm rgop đah n’gâng kan mât rnă njrăng ngih dak mbơh tơih ƀư rơh hăn nsong, nsong tahen dŭt têh.

VOV4.Mnông:Nău dơi Hồ Chí Minh lịch sử-Nău dơi têh dăng, lĕ rngôch ta rơh rdul lơh n’hanh dâk lơh khay puh năm 1975-lah nău ntoh ang, mpơl an saơ nău tâm lơh đah Mỹ, mât đăp mpăn neh dak lĕ lôch geh nău dơi âk, rklaih đăp mpăn lĕ rngôch miền Nam dơn ngoăy neh dak.

VOV4.M'nông: Tâm rnglăp lah nau ơm ueh bah rnoi nơm, lah n’hâm dăng lơh dơi phung rlăng, nsĭt nau đăp mpăn ân neh dak. Tâm n’gor Dak Lak lah êng, Tây Nguyên lah nsum, jêh 50 năm neh dak đăp mpăn, tâm rnglăp jêng nau ueh bah nau rêh, kơl an rgum nau tâm rŏng ndrel n’hâm blau, kơl an ƀon lan geh nau dơi têh, nâp lơn.