Kêng măng 26/1, pah kan ta Ban Chỉ huy Tahen n’har bri n’gor Dak Lak, Thượng tướng Đỗ Xuân Tụng, Groi Chủ nhiệm Tổng cục Chính trị Tahen ƀon lan Việt Nam, Kruanh mpôl pah kan bah Mpôl tahen hŏ đă Tahen n’har bri n’gor Dak Lak đăm jru, ơm an ndơ̆ Nghị quyết Đại hội XIV bah Đảng lăp ngăn ngăn.

Ta rơh pah kan, Thượng tướng Đỗ Xuân Tụng đă let năp tay, Tahen n’har bri Dak Lak ân lor nchrăp rƀah gĭt nău lư ta ntŭk, an ƀư ăp kôp ăp trong pah kan n’har bri; n’hao dăng rlăch ndăng, rdâng lơh tay ăp nuĭh tih ta nkual n’har bri; kan nsum lhăt đah ăp mpôl tahen geh tât n’hanh mpôl tahen mât njrăng n’har bri Campuchia tâm mât, njrăng n’har bri neh dak. Thượng tướng Đỗ Xuân Tụng njrăng đă pôih n’har bri uănh khlay đăp mpăn rnă njrăng, uĕh lăng tâm ăp rnôk nar têh khlay đŏng, lơn lah rnôk bầu cử đại biểu Quốc hội khóa XVI n’hanh đại biểu Hội đồng nhân dân bar gưl năm kan 2026–2031; an ƀư tay geh nău tam ăp bôk nău kan, trong ntĭt leo kơl ƀon lan hun hao wăng sa – rêh jêng kon nuĭh; ƀư jăp pah kan nchrăp rdâng lơh, ƀư an tahen n’hanh ƀon lan wơt Tết Nguyên đán manh uĕh, mpêt nkrem, tâm rnglăp, tâm rŏng nuĭh.