Kruanh dak Lương Cường lĕ geh dơn ngoăy ăp nkô̆ nău kan le geh mbơh tơih, ntĭm đă bâh n’gâng kan Chính trị, Ban Bí thư, tâm ban kơt ăp nău ntĭm leo bâh ăp ntŭk kan geh tât đah nău leo ƀư ăp nău kan di rơh Tết Nguyên đán Bính Ngọ. Kruanh dak lah na nê̆ an geh nchrăp ueh ăp nău kan kơl an ƀon lan rhơn Tết way ơm Bính Ngọ năm 2026 an ueh đăp mpăn, mpêt nrkem, njêng nău dơi têh dăng n’hanh nău nsrôih kan an lĕ Đảng, le ƀon lan, lĕ tahen nsrôih ƀư lôch nău dơi Nghị Quyết Đaị hôị đại biêủ lam dak tal 14 bâh Đảng bâh ntơm ăp khay bôk năm 2026. ƀư ueh nău tât ôp khâl, rgŏ jă, rhơn Tết cán bộ nuih ranh nuih kan cách mạng, nuĭh mê̆ Việt Nam anh hùng, tahen sôt rmanh, rnăk vâl tahen khĭt, rnăk geh kan đah cách mạng, rnăk dơi kơl, nuĭh gĭt blău, văn nghệ sĩ, nuih geh nău knơm tâm ƀon lan rnoi đĕ, phung chroh ntoh lư, ăp ntŭk kan tahen, mpôl kan way kan ƀư nău kan ta rơh tết ta n’har bri, gôl dak, nkual njônh ngai, nkual geh ntuk kan jêr jŏt, mât an ăp rnăk, ăp nuĭh geh gĭt vơt năm mhe vơt Tết.